കുഞ്ചാക്കോ ബോബൻ ചെമ്പൻ വിനോദ് കൂട്ട് കെട്ടിലെ ചിത്രം ” ഭീമൻറെ വഴി” തിയേറ്ററുകളിലേക്ക്….

നടൻ ചെമ്പൻ വിനോദ് ജോസിന്റെ രചനയിൽ അഷറഫ് ഹംസ സംവിധാനം ചെയ്യുന്ന ചിത്രമാണ് “ഭീമൻറെ വഴി” 2021 ഡിസംബർ 3 ന് റിലീസ് ചെയ്യും. തന്റെ ആദ്യ ചിത്രമായ തമാശയ്ക്ക് ശേഷം അഷ്‌റഫ് ഹംസ ചെയ്യുന്ന ഈ ചിത്രത്തിൽ കുഞ്ചാക്കോ ബോബനും ചിന്നു ചാന്ദ്‌നിയും പ്രധാന കഥാപാത്രങ്ങളെ അവതരിപ്പിക്കുന്നു. ചെമ്പൻ വിനോദ് ജോസ്, ജിനു ജോസഫ്, നിർമൽ പാലാഴി, വിൻസി അലോഷ്യസ്‍ എന്നിവർ സഹകഥാപാത്രങ്ങളെ അവതരിപ്പിക്കുന്നു. റിമ കല്ലിങ്കലിൻറെയും ആഷിഖ് അബുവിൻറെയും ഒപിഎം സിനിമാസുമായി സഹകരിച്ച് ചെമ്പോസ്‌കി മോഷൻ പിക്‌ചേഴ്‌സിന് കീഴിൽ ചെമ്പൻ വിനോദ് ജോസ് ആണ് ചിത്രം നിർമ്മിക്കുന്നത്. അങ്കമാലി ഡയറീസിന് ശേഷം ചെമ്പൻ വിനോദിന്റെ രണ്ടാമത്തെ തിരക്കഥയാണിത്. നിസാം കാദിരിയാണ് ചിത്രം എഡിറ്റ് ചെയ്തിരിക്കുന്നത്. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ഗിരീഷ് ഗംഗാധരൻ . ഒറിജിനൽ ഗാനങ്ങളും പശ്ചാത്തല സംഗീതവും ഒരുക്കിയിരിക്കുന്നത് വിഷ്ണു വിജയ് ആണ്.…

സുരേഷ് ഗോപിയും രൺജി പണിക്കരും ഒന്നിച്ചഭിനയിക്കുന്ന ചിത്രം “കാവൽ” തിയേറ്ററുകളിലേക്ക്……

നിതിൻ രൺജി പണിക്കർ രചനയും സംവിധാനവും നിർവ്വഹിച്ചു സുരേഷ് ഗോപി നായകനായ ആക്ഷൻ ത്രില്ലർ ചിത്രം “കാവൽ” 2021 നവംബർ 25-ന് തിയേറ്ററുകളിൽ എത്തും.രണ്ട് തലമുറകളിലായി വ്യാപിക്കുന്ന ചിത്രം രണ്ടു സുഹൃത്തുക്കൾ തമ്മിലുള്ള ബന്ധവും അവരുടെ ജീവിതത്തിൽ ഉണ്ടാകുന്ന കാര്യങ്ങളുമാണ് വിവരിക്കുന്നത്. കാടിന്റെ പശ്ചാത്തലത്തിൽ ഒരുക്കുന്ന ചിത്രം കട്ടപ്പനയിലും ഇടുക്കിയിലുമായിട്ടാണ് ചിത്രീകരിച്ചിരിക്കുന്നത്. സുഹൃത്തുക്കളും ബിസിനസ് പങ്കാളികളുമായ രണ്ടു പേരുടെ ജീവിതത്തിൽ ഉണ്ടാകുന്ന കാര്യങ്ങളാണ് ചിത്രത്തിൽ ഉള്ളത്. ചിത്രത്തിൽ സുഹൃത്തുക്കളായ തമ്പാനായി സുരേഷ് ഗോപിയും ആന്റണിയായി രഞ്ജി പണിക്കരും ആണ് വേഷമിടുന്നത്. റേച്ചൽ ഡേവിഡ്, മുത്തുമണി, ഇവാൻ അനിൽ, സാദിഖ്, പോളി വത്സൻ, സുരേഷ് കൃഷ്ണ, ശങ്കർ രാമകൃഷ്ണൻ, കിച്ചു ടെല്ലസ്, ശ്രീജിത്ത് രവി, ധന്യ അനന്യ, ചാലി പാലാ, ശാന്തകുമാരി, അഞ്ജലി നായർ, ജെയ്‌സ് ജോസ്, പത്മരാജ് രതീഷ്, ഐ.എം.വിജയൻ, രാജേഷ് ശർമ്മ , ബിനു പപ്പു,…

കെ പി എ സി ലളിതയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു – മലയാള സിനിമയുടെ സ്വന്തം അമ്മക്ക് വേണ്ടി കണ്ണീരോടെ താരങ്ങൾ..

നാടക രംഗങ്ങളിലൂടെ അഭിനയലോകത്തേക്ക് എത്തി പിന്നീട് മലയാള സിനിമയിലെ സൂപ്പർ താരങ്ങളുടെ എല്ലാം അമ്മ വേഷങ്ങളിൽ തിളങ്ങിയിട്ടുള്ള മലയാള സിനിമയുടെ സ്വന്തം അമ്മയാണ് കെ പി എ സി ലളിത.വർഷങ്ങളായി സിനിമയിൽ സജീവമായിട്ടുള്ള താരത്തിന്റെ ഹാസ്യ വേഷങ്ങളും ഗൗരവമാർന്ന വേഷങ്ങളും ഒരുപോലെ കൈകാര്യം ചെയ്യാനുള്ള കഴിവ് പ്രത്യേകം പറയേണ്ട കാര്യമാണ്. നായികയായും നടിയായും സ്വഭാവ നടിയായും പിന്നീട് അമ്മ വേഷങ്ങളിലും തിളങ്ങിയ താരം മലയാള സിനിമയിൽ കൈകാര്യം ചെയ്യാത്ത വേഷങ്ങളില്ല കെ എസ് സേതുമാധവൻ സംവിധാനം ചെയ്ത “കൂട്ടുകുടുംബം” എന്ന ചിത്രത്തിലൂടെയാണ് താരം അഭിനയരംഗത്തെത്തിയത്. പത്താം വയസ്സുമുതൽ നാടകങ്ങളിൽ സജീവമായിരുന്ന താരംസിനിമയിൽ മാത്രമല്ല മിനിസ്ക്രീനിലും വളരെ സജീവമാണ് . മഴവിൽ മനോരമയിൽ സംപ്രേഷണം ചെയ്യുന്ന “തട്ടീം മുട്ടീം” എന്ന കുടുംബ പരമ്പരയിൽ സജീവമായിട്ടുള്ള താരം മിനിസ്ക്രീൻ പ്രേക്ഷകരുടെയും പ്രിയങ്കരിയാണ്. കെപിഎസി എന്ന നാടക ഗ്രൂപ്പിൽ ചേർന്നതിനു ശേഷമാണ്…

തെലുങ്ക് സിനിമയിൽ അരങ്ങേറ്റം കുറിക്കാനൊരുങ്ങി മലയാളികയുടെ പ്രിയ താരം ‘ഐശ്വര്യ ലക്ഷ്മി’ !!

ഒരു ഡോക്ടർ ആയിരുന്നിട്ടും അഭിനയത്തോടുള്ള ആഗ്രഹം കൊണ്ട് സിനിമയിലെത്തിയ താരമാണ് ഐശ്വര്യ ലക്ഷ്മി. “ഞണ്ടുകളുടെ നാട്ടിൽ ഒരു ഇടവേള” എന്ന ചിത്രത്തിലൂടെ വെള്ളിത്തിരയിലേക്ക് എത്തിയ താരം ചെയ്ത സിനിമകളെല്ലാം മികച്ച വിജയങ്ങളായിരുന്നു. നിവിൻ പോളിയുടെ നയികയിലൂടെ മലയാളികളുടെ ഹൃദയങ്ങൾ കീഴടക്കിയ താരം “മായാനദി”, “വിജയ് സൂപ്പറും പൗർണമിയും”, “വരത്തൻ” എന്നീ സിനിമകളിലൂടെ പ്രേക്ഷകരുടെ ഇഷ്ട നായികയായി മാറി. മണിരത്നം സംവിധാനം ചെയ്യുന്ന “പൊന്നിയൻ സെൽവൻ” എന്ന ബ്രഹ്മാണ്ട തമിഴ് ചിത്രത്തിലും ഐശ്വര്യ ലക്ഷ്മി അഭിനയിക്കുന്നുണ്ട്.മലയാളത്തിൽ “അർച്ചനാ 31 നോട്ടൗട്ട്”, “കാണേ കാണേ” എന്നീ ചിത്രങ്ങൾ ആണ് റിലീസ് ചെയ്യാനിരിക്കുന്ന ഐശ്വര്യയുടെ ഏറ്റവും പുതിയ സിനിമകൾ. കാർത്തിക് സുബ്ബരാജ് സംവിധാനം ചെയ്യുന്ന “ജഗമേ തന്തിരം ” എന്ന തമിഴ് സിനിമയിലും ഐശ്വര്യലക്ഷ്മി ആണ് നായിക. എന്നാൽ ഇപ്പോൾ മലയാളികളുടെ താരം തെലുങ്ക് സിനിമയിലേക്ക് അരങ്ങേറ്റം കുറിക്കാൻ തയ്യാറെടുക്കുകയാണ്. സത്യദേവ്…

മലയാളികളുടെ പ്രിയനടൻ നെടുമുടിവേണു അന്തരിച്ചു,

ദേശീയ അവാർഡ് ജേതാവും മലയാള സിനിമയിലെ ഏറ്റവും പ്രതിഭാധനരായ അഭിനേതാക്കളിൽ ഒരാളുമായ നെടുമുടിവേണു അന്തരിച്ചു.കഴിഞ്ഞ കുറച്ച് മാസങ്ങളായി ഉദര സംബന്ധമായ അസുഖങ്ങൾ കാരണം ചികിത്സയിൽ ആയിരുന്നു. ഇന്ന് (ഒക്ടോബർ 11) രാവിലെ തിരുവന്തപുരത്തെ സ്വകാര്യ ആശുപത്രിയിൽ വെച്ചായിരുന്നു അന്ത്യം. കാവാലം നാരായണപ്പണിക്കരുടെ നാടകങ്ങളിലൂടെയാണ് നെടുമുടി വേണു നാടക ജീവിതം ആരംഭിച്ചത്. നാടകരംഗത്ത് സജീവമായിരിക്കെയാണ് നെടുമുടി സിനിമയിൽ എത്തിയത്. 1978ൽ അരവിന്ദൻ സംവിധാനം ചെയ്ത തമ്പ് എന്ന ചിത്രത്തിലൂടെ ആയിരുന്നു അരങ്ങേറ്റം. ഭരതന്റെ ആരവം എന്ന ചിത്രത്തിലെ വേഷം ശ്രദ്ധേയമായി. പത്മരാജന്റെ ഒരിടത്തൊരു ഫയൽവാൻ കാരണവർ വേഷങ്ങളിലേക്കുള്ള ചുവടു മാറ്റത്തിനു നാന്ദിയായി. വൈകാതെ മലയാളത്തിലെ തിരക്കേറിയ സഹനടൻമാരിൽ ഒരാളായി മാറി. അഭിനയ വൈദഗ്ദ്ധ്യവും സംഭാഷണ അവതരണത്തിലെ വ്യത്യസ്തതയും നെടുമുടിയുടെ കഥാപാത്രങ്ങൾക്ക് കരുത്തേകി. ടെലിവിഷൻ പരമ്പരകളിലും നെടുമുടി സജീവമാണ്. ആലപ്പുഴ ജില്ലയിലെ നെടുമുടിയിൽ പി.കെ കേശവൻ പിള്ളയുടെയും കുഞ്ഞിക്കുട്ടി അമ്മയുടെയും…

പ്രശസ്ത സിനിമാ സീരിയൽ നടൻ കെ.ടി.എസ്.പടന്നയിൽ അന്തരിച്ചു.

പ്രശസ്ത സിനിമാ സീരിയൽ നടൻ കെ.ടി.എസ്.പടന്നയിൽ അന്തരിച്ചു.നാടകങ്ങളിലൂടെ സിനിമയിലെത്തിയ അദ്ദേഹം ഹാസ്യ കഥാപാത്രങ്ങളിലൂടെയാണ് പ്രശസ്തനായത്. വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്ന അദ്ദേഹം എറണാകുളം കടവന്ത്രയിലെ സ്വകാര്യ ആശുപത്രിയിൽ വെച്ചായിരുന്നു മരണപ്പെട്ടത്. 21-ാം വയസ്സിൽ നാടക കലാകാരനായി അഭിനയജീവിതം ആരംഭിച്ച അദ്ദേഹം നിരവധി സിനിമകളിൽ അഭിനയിച്ചിട്ടുണ്ട്.1995 ൽ രാജസേനൻ സംവിധാനം ചെയ്ത അനിയൻ ബാവ ചേട്ടൻ ബാവ എന്ന ചിത്രത്തിലൂടെയാണ് ചലച്ചിത്ര രംഗത്തെത്തുന്നത്. നിരവധി ടെലിവിഷൻ കോമഡി സീരിയലുകളിലും അദ്ദേഹം അഭിനയിച്ചിട്ടുണ്ട്. സപ്പോർട്ടിങ്,കോമഡി വേഷങ്ങളിലൂടെ അറുപതോളം സിനിമകളിൽ അദ്ദേഹം വേഷമിട്ടിട്ടുണ്ട്. ശ്രീകൃഷ്ണപുരത്തെ നക്ഷത്രതിളക്കം , വൃദ്ധൻമരെ സൂക്ഷിക്കുക്ക, വാമനപുരം ബസ് റൂട്ട് തുടങ്ങിയ സിനിമകളിലെ അദ്ദേഹത്തിന്റെ കോമഡി വേഷങ്ങൾ പ്രേക്ഷകർ എന്നും ഓർമിക്കുന്നവയാണ്. അഗ്രജൻ,ത്രീമെൻ ആർമി,കളമശ്ശേരിയിൽ കല്യാണ യോഗം,കീർത്തനം,ആദ്യത്തെ കൺമണി,കാക്കക്കും പൂച്ചക്കും കല്യാണം,വൃദ്ധന്മാരെ സൂക്ഷിക്കുക, സ്വപ്‌ന ലോകത്തേ ബാലഭാസ്‌കരൻ,ഹാർബർ,ഹിറ്റ്‌ലിസ്റ്റ്,സത്യഭാമയ്ക്കോരു പ്രാണായലേഖനം, ദില്ലിവാല രാജാജുമാരൻ,ഫൈവ് സ്റ്റാർ ഹോസ്പിറ്റൽ,കല്യാണപിറ്റെന്നു, ന്യൂസ്‌പേപ്പർ…

നടൻ മേള രഘു അന്തരിച്ചു.

നടൻ മേള രഘു കൊച്ചിയിലെ സ്വകാര്യ ആശുപത്രിയിൽ അന്തരിച്ചു.വീട്ടിൽ വച്ചുണ്ടായ പരിക്കിനെ തുടർന്ന് കുറച്ചു ദിവസങ്ങളായി ആശുപത്രിയിലായിരുന്നു. 1980 ൽ കെ ജി ജോർജ് സംവിധാനം ചെയ്ത ‘മേള’ എന്ന ചിത്രത്തിലൂടെയാണ് രഘു സിനിമാ ലോകത്തേക്ക് എത്തുന്നത്. ചിത്രത്തിലെ സർക്കസ് കോമാളിയായ രഘു എന്ന നായകനായി അദ്ദേഹം അഭിനയിച്ചു. ചിത്രം റിലീസ് ചെയ്തതിന് ശേഷം അദ്ദേഹം തൻറെ പേര് പുത്തൻവേലി ശശിധരനിൽ നിന്ന് മേള രഘു എന്നാക്കി മാറ്റാൻ തീരുമാനിച്ചു. അത് പിന്നീട് അദ്ദേഹത്തിന്റെ സ്ക്രീൻ നാമമായി മാറി. പ്രേം നസീർ, ജയൻ എന്നിവരുൾപ്പെടെയുള്ള താരങ്ങളെ ചുറ്റിപ്പറ്റിയുള്ള ഒരു കാലഘട്ടത്തിൽ ഒരു കുള്ളൻ നടനെ ഒരുനായകനായി അവതരിപ്പിച്ചതിനാൽ ചിത്രം അന്ന് പ്രധാനവാർത്തകളായിരുന്നു. ചിത്രത്തിൽ മമ്മൂട്ടിയും ഒരു സപ്പോർട്ടിംഗ് റോളിൽ ഉണ്ടായിരുന്നു. മമ്മൂട്ടിയുടെയും ശ്രീനിവാസന്റെയും അഭിനയ ജീവിതത്തില്‍ വഴിത്തിരിവായ മേള എന്ന സിനിമ അങ്ങനെ രഘുവിനും വഴിത്തിരിവായി. ആ…

‘ചെമ്പോസ്‌കി’ക്ക് വിവാഹവാർഷിക ആശംസ നേർന്ന് നടൻ ചെമ്പൻ വിനോദ്..

2010ല്‍ ലിജോ ജോസ് പെല്ലിശ്ശേരി സംവിധാനം ചെയ്ത ‘നായകന്‍’ എന്ന ചിത്രത്തിലൂടെ സിനിമാ ലോകത്തേക്ക് എത്തിയ നടനാണ് ചെമ്പൻ വിനോദ് ജോസ്. ലിജോ ജോസ് പെല്ലിശേരി ചിത്രങ്ങളില്‍ ശ്രദ്ധേയമായ നിരവധി വേഷങ്ങള്‍ അവതരിപ്പിച്ചിട്ടുണ്ട്. പല സിനിമകളിലും സഹനടനായും വില്ലനായും മികച്ച പ്രകടനം കാഴ്‌ചവെക്കാൻ താരത്തിന് കഴിഞ്ഞു. അനില്‍ രാധാകൃഷ്‌ണ മേനോന്‍ സംവിധാനം ചെയ്‌ത ‘സപ്‌തമശ്രീ തസ്‌കര’ എന്ന ചിത്രത്തിലെ അഭിനയവും ശ്രദ്ധേയമായിരുന്നു. 2018 ൽ ഗോവയിൽ നടന്ന ഇന്റർനാഷണൽ ഫിലിം ഫെസ്റ്റിവലിൽ മികച്ച നടനുള്ള പുരസ്കാരത്തിന് അർഹനായി. കൂടാതെ 2016 ലെ മികച്ച സ്‌പോർട്ടിങ് ആക്ടർ, 2017 ലെ മിക്കച്ച വില്ലൻ എന്നിവക്കുള്ള വനിതാ ഫിലിം അവാർഡുകളും നേടി. ലിജോ ജോസ് പെല്ലിശേരി സംവിധാനം ചെയ്‌ത ‘അങ്കമാലി ഡയറീസ്’ എന്ന സിനിമയുടെ തിരക്കഥ രചിച്ചത് ചെമ്പൻ വിനോദ് ആയിരുന്നു. ജോഷി സംവിധാനം ചെയ്‌ത ‘പൊറിഞ്ചു മറിയം ജോസ്’…

അഞ്ചിൽ ഒരാൾ തസ്കരൻ ചിത്രീകരണം ആരംഭിച്ചു.

ജയശ്രീ സിനിമയുടെ ബാനറിൽ പ്രതാപ് വെങ്കിടാചലം, ഉദ യശങ്കർ എന്നിവർ ചേർന്നു നിർമിക്കുന്ന അഞ്ചിൽ ഒരാൾ തസ്കരൻ എന്ന ചിത്രം  സോമൻ അമ്പാട്ട് കഥ എഴുതി സംവിധാനം ചെയ്യുന്നു. എക്‌സിക്യുട്ടീവ് പ്രൊഡ്യൂസർ എസ്. വെങ്കിട്ടരാമൻ. ജയേഷ് മൈനാഗപ്പള്ളി തിരക്കഥയും  സംഭാഷണവുമെഴുതി. സിദ്ധാർഥ് രാജൻ, രൺ ജി പണിക്കർ, സലിംകുമാർ, ഇന്ദ്രൻസ്, ഹരീഷ് പേരടി, ഹരീഷ് കണാരൻ, കലാഭവൻ ഷാജോൺ, പാഷാണം ഷാജി, ശിവജി ഗുരുവായൂർ, അരിസ്റ്റോ സുരേഷ്, തിരു, സുബ്രഹ്മണ്യൻ ബോൾഗാട്ടി, അംജത് മൂസ,സജീദ് പുത്തലത്ത്, അനിയപ്പൻ, പ്രശാന്ത് കാഞ്ഞിരമറ്റം, ഷിജു അഞ്ചുമന, കലാഭവൻ സതീഷ്, മൻരാജ്, അനുറാം, നസീർ കൂത്ത്പറമ്പ്, ശ്രവണ, അംബിക, സാധിക വേണുഗോപാൽ, കുളപ്പുള്ളി ലീല, മീനാക്ഷി മഹേഷ്‌ തുടങ്ങിയവരഭിനയിക്കുന്നു. മണികണ്ഠൻ പി. എസ്‌. ഛായാഗ്രാഹണവും  സന്ദീപ് നന്ദകുമാർ എഡിറ്റിങ്ങും നിർവഹിക്കുന്നു.പി. കെ. ഗോപി, പി. ടി. ബിനു എന്നിവരുടെ വരികൾക്ക് അജയ്…

ഛായാഗ്രാഹകനും സംവിധായകനുമായ കെ.വി. ആനന്ദ് അന്തരിച്ചു.

ഛായാഗ്രാഹകനും സംവിധായകനുമായ കെ.വി. ആനന്ദ് ഹൃദയാഘാതത്തെ തുടർന്ന് അന്തരിച്ചു. ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം .മലയാളത്തിലെ ഹിറ്റ് ചിത്രങ്ങളായ തേന്മാവിൻ കൊമ്പത്ത്,മിന്നാരം,ചന്ദ്രലേഖ എന്നിവയുടെ ഛായാഗ്രാഹകനായിരുന്നു. ‘തേന്മാവിൻ കൊമ്പത്ത് ‘ എന്ന ചിത്രത്തിൻറെ ഛായാഗ്രഹണത്തിന് ദേശീയ അവാർഡിന് അർഹനായി. തമിഴിലെ സൂപ്പർ ഹിറ്റ് ചിത്രങ്ങളായ കനാ കണ്ടേൻ, അയൻ, കോ, മാട്രാൻ, അനേഗൻ, കവൻ, കാപ്പാൻ തുടങ്ങി ഏഴോളം ചിത്രങ്ങളുടെ സംവിധായകൻ ആയിരുന്നു. മലയാളം, തമിഴ്,തെലുങ്ക്, ഹിന്ദി സിനിമകൾക്ക് വേണ്ടി അദ്ദേഹം കാമറ ചലിപ്പിച്ചിട്ടുണ്ട്. തമിഴ് ചിത്രങ്ങളായ കാതൽ ദേശം,നേരുക്ക് നേർ,മുതൽവൻ, വിരുമ്പികിരേൻ, ശിവാജി, തെലുങ്ക് ചിത്രമായ പുണ്യ ഭൂമി നാ ദേശം തുടങ്ങിയ ചിത്രങ്ങളുടെ ഛായാഗ്രാഹകൻ ആയിരുന്നു. രജനീകാന്തിന്റെ സൂപ്പർ ഹിറ്റ് ചിത്രമായ ശിവാജിയിലൂടെ ഛായാഗ്രാഹകനുള്ള ഫിലിം ഫെയർ അവാർഡിന് അർഹനാക്കി. മണിരത്നം ചിത്രമായ ‘തിരുടാ തിരുടി’ യിലെ ഗാനത്തിൻറെ ചിത്രീകരണം ലോക ശ്രദ്ധയാകർഷിച്ചു.ഹിന്ദി ചിത്രങ്ങളായ ജോഷ്,…