Month: March 2021

അച്ഛനും മകനും ഒരുമിച്ച് ഒരേ സിനിമ സംവിധാനം ചെയ്ത ക്രെഡിറ്റ് മലയാള സിനിമക്ക് സമ്മാനിക്കുകയാണ് നടനും സംവിധായകനുമായ ലാലും ലാൽ ജൂനിയറും ( ജീൻ പോൾ) ‘സുനാമി’ എന്ന ചിത്രത്തിലൂടെ.രണ്ടു പേരും ഒന്നിച്ചു സംവിധാനം ചെയ്ത സിനിമ മാർച്ച് 11 നു തീയേറ്ററുകളിലെത്തും. ഇന്നസെന്റിന്റെയും മുകേഷിന്റെയും പഴയകാല നര്മരംഗങ്ങളിലേക്കുള്ള തിരിച്ചുപോക്ക് കൂടിയാവും ഈ സിനിമ.ഗോഡ് ഫാദർ എന്ന സിനിമയുടെ ഷൂട്ടിംഗ് സമയത്തു ഇന്നസെന്റ് പറഞ്ഞ ഒരു തമാശയിൽ നിന്നാണു സുനാമിയുടെ പിറവി. ബാലു വർഗ്ഗീസ് പ്രധാന കഥാപാത്രത്തെ അവതരിക്കുന്ന ചിത്രത്തിൽ മുകേഷ്, ഇന്നസെന്റ്, അജു വർഗീസ്, സുരേഷ് കൃഷ്ണ, അടിമാലി,അരുൺ ചെറുകാവിൽ , ദേവി അജിത്, നിഷ മാത്യു,വത്സല മേനോൻ, വര്ഗീസ്,ആരാധ്യ ആൻ തുടങ്ങിയവരും അഭിനയിക്കുന്നു. അലൻ ആന്റണി നിർമിക്കുന്ന ചിത്രത്തിന്റെ സംഗീതം നിർവഹിച്ചിരിക്കുന്നത് യക്സാൻ ഗാരി പെരേരയും നേഹ നായരും ചേർന്നാണ്.ഛായാഗ്രഹണംഅലക്സ് പുളിക്കൽ,എഡിറ്റിംഗ് രതീഷ് രാജ്.

1995 ൽ ജഗദിയും ഇന്നസെന്റും പ്രധാന കഥപാത്രങ്ങളായെത്തിയ ‘പൈ ബ്രദേഴ്സ്’ എന്ന സിനിമയിലൂടെ ബാല താരമായെത്തിയ ആയില്യ നായർ എന്ന അനന്യ മലയാളത്തിലെ പ്രശസ്ത നിർമ്മാതാവ് ഗോപാലകൃഷ്ണൻ നായരുടെ മകളാണ്.ബാലതാരമായി സിനിമയിൽ എത്തിയ താരം പിന്നീട് തെന്നിന്ത്യൻ സിനിമയിലെ മുൻനിര നായികമാരിൽ ഒരാളായി മാറി.മലയാളത്തിന് പുറമെ തമിഴിലും ശക്‌തമായ സാന്നിധ്യമായിരുന്നു അനന്യ. ബാലതാരമായെത്തിയ അനന്യ മുതിർന്നർന്നപ്പോൾ ടെലിവിഷൻ ഷോകളിൽ അവതാരകയായി. സ്റ്റാർ വാർ എന്ന പരിപാടിയുടെ അവതരണത്തിലൂടെ അനന്യ ഏറെ ശ്രദ്ധിക്കപ്പെടുകയും ചെയ്തു. അഞ്ചോളം ചിത്രങ്ങളിലേക്കുള്ള നായികാ ക്ഷണം നിരസിച്ച അനന്യ 2008 ലാണ് നായികയായി അഭിനയിക്കുന്നത്. ‘പോസിറ്റീവ്’ എന്ന ചിത്രത്തിലൂടെയാണ് ആദ്യമായി താരം  നായികയായി എത്തിയത്. തന്റെ  രണ്ടാമത്തെ സിനിമയായ  തമിഴിലെ  ‘നാടോടികൾ’ എന്ന ചിത്രം ഏറെ പ്രേക്ഷക ശ്രദ്ധനേടുകയും അനന്യയെ വളരെ അധികം പ്രശംസിക്കുകയും ചെയ്തിരുന്നു. ഈ ചിത്രത്തിലെ അഭിനയത്തിന് മികച്ച പുതുമുഖ നടിയ്ക്കുള്ള…