Year: 2021

സൂരജ് ടോമിന്റെ സംവിധാനത്തിൽ വിഷ്ണു ഉണ്ണിക്കൃഷ്ണനും സാനിയ ഇയ്യപ്പനും കേന്ദ്ര കഥാപാത്രങ്ങൾ ആയെത്തുന്ന ഹൊറർ ത്രില്ലർ ചിത്രം ‘കൃഷ്ണൻകുട്ടി പണി തുടങ്ങി’ റിലീസിന് തയ്യാറെടുക്കുന്നു. ധർമജൻ ബോൾഗാട്ടി,സന്തോഷ് ദാമോദർ,വിജിലേഷ്,ജോയ് ജോൺ ആൻ്റണി ജോമോൻ കെ ജോൺ,അഭിജ ശിവകല,ഷെറിൻ,ടോമി കുമ്പിടികാരൻ,ശ്രീലക്ഷ്മി തുടങ്ങിയ താരങ്ങളും ചിത്രത്തിൽ അഭിനയിക്കുന്നു. ഇഫാർ മീഡിയ റാഫി മതിര അവതരിപ്പിക്കുന്ന ഈ ചിത്രത്തിന്റെ നിർമാണം പെപ്പെർക്കോൺ സ്റുഡിയോസിന്റെ ബാനറിൽ നോബിൾ ജോസ് ആണ് നിർവഹിച്ചിരിക്കുന്നത്.തിരക്കഥയും സംഗീതവും നിർവഹിച്ചിരിക്കുന്നത് ആനന്ദ് മധുസൂദനൻ.ഗാനരചന ഹരി നാരായണനും,എഡിറ്റിങ് കിരൺ ദാസും.

കുമാർ നന്ദ രചനയും സംവിധാനവും നിർവഹിച്ചു വിനോദ് കൊമ്മേരി,രോഹിത് എന്നിവർ ചേർന്ന് എ ജി സ് മൂവി മേക്കേഴ്സിൻറെ ബാനറിൽ നിർമിക്കുന്ന ‘വെള്ളാരം കുന്നിലെ വെള്ളിമീനുകൾ’ പൂർത്തിയായി. ശാന്തീകൃഷ്ണ,ഭഗത് മാനുവൽ,ആനന്ദ് സൂര്യ,സുനിൽ സുഗത,കൊച്ചുപ്രേമൻ,മുരളി,പ്രജുഷ,ബേബി ഗൗരി നന്ദ,അഞ്ചു നായർ,മിഥുൻ,രജീഷ് സേട്ടു,ഷിബു നിർമാല്യം,ആലിക്കോയ,ജീവൻ കഴക്കൂട്ടം,കുട്ട്യേടത്തി വിലാസിനി,ബാബു ബാലൻ,ബിജുലാൽ തുടങ്ങിയവരും ചിത്രത്തിൽ അഭിനയിക്കുന്നു. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് അജീഷ് മത്തായി, രാജീവ് വിജയ് എന്നിവർ ചേർന്നാണ്.എഡിറ്റിംഗ് ശ്രീനിവാസ് കൃഷ്ണയും.