Untitled Document Back to Top

സില്‍ക്കിനെ കുറിച്ചുളള ധാരണ മാറ്റണമെന്ന്‌ മറാത്തി സംവിധായകന്‍

സില്‍ക്ക്‌ സ്‌മിത എന്ന മാദകസുന്ദരി മരിച്ചിട്ടും മായാതെ പ്രേക്ഷക മനസ്സുകളിലുണ്ട്‌. അതിന്റെ തെളിവാണ്‌ അവരെ കുറിച്ച്‌ ഹിന്ദിയിലും മലയാളത്തിലും കന്നഡയിലും സിനിമയിറങ്ങിയത്‌. എന്നാല്‍ ഇവയെല്ലാം താരത്തിന്റെ ജീവിതമെന്നു പറഞ്ഞതു മാത്രമാണോ സത്യം? സില്‍ക്കിന്റെ ജീവിതത്തിലെ നല്ലവശങ്ങളെയും ഉള്‍പ്പെടുത്തി ഒരു മറാത്തി സിനിമ വരുന്നു. പേജ്‌ 3, ട്രാഫിക്‌ സിഗ്നല്‍ എന്നീ ഹിന്ദി സിനിമകളുടെ സഹസംവിധായകനായിരുന്ന സമീര്‍ ഖാന്‍ സ്വതന്ത്രമായി സംവിധാനം ചെയ്യുന്ന ആദ്യ സിനിമയായിരിക്കുമിത്‌. സില്‍ക്ക്‌ സ്‌മിതയുടെ വശ്യത ഓര്‍മ്മകളില്‍ നഷ്‌ടപ്പെടുത്താത്ത പ്രേക്ഷകരോട്‌ മറ്റാരും പറയാത്ത ചില കാര്യങ്ങളാവും പുതിയ സിനിമ പറയുന്നത്‌. മറ്റു സിനിമകളൊന്നും താരത്തിന്റെ ജീവിതത്തിലേക്ക്‌ ആഴത്തില്‍ ഇറങ്ങിച്ചെല്ലാന്‍ മടിച്ചുവെന്നാണ്‌ സംവിധായകന്‍ പറയുന്നത്‌. സില്‍ക്കിനെ കുറിച്ചുളള തെറ്റിദ്ധാരണ മാറ്റുന്നതായിരിക്കും പുതിയ സിനിമയെന്നും സംവിധായകന്‍ പറഞ്ഞു. സിനിമ നിര്‍മ്മിക്കാന്‍ താരത്തിന്റെ കുടുംബാംഗങ്ങള്‍ അനുമതി നല്‍കിക്കഴിഞ്ഞു. ചിത്രം മറാത്തി ഭാഷയില്‍ ഇതുവരെ ഇറങ്ങിയതില്‍ വച്ച്‌ ഏറ്റവും ബോള്‍ഡായ ഒന്നായിരിക്കുമെന്നാണ്‌ തിരക്കഥാകൃത്ത്‌ ഫൈസല്‍ സെയ്‌ഫ് പറയുന്നത്‌.

പെരുച്ചാഴിയുടെ പുതിയ ടീസര്‍ പുറത്തിറങ്ങി

മോഹന്‍ലാല്‍ നായകനാകുന്ന പെരുച്ചാഴിയുടെ പുതിയ ടീസര്‍ പുറത്തിറങ്ങി. ഓണത്തിനു ചിത്രം റിലീസ് ചെയ്യും

watch teaser

ഇപ്പോൾ ജഗതി ശ്രീകുമാറിനെ ദിലീപിനും മമ്മൂട്ടിക്കും മാത്രം മതി പാർവ്വതി

മലയാളിയെ തമാശ അതിന്റെ എല്ലാ അർത്ഥത്തിലും ആസ്വദിക്കാൻ പഠിപ്പിച്ചത് ജഗതി ശ്രീകുമാർ എന്ന നടന പ്രതിഭയാണ്. ഇന്നും മനസ്സറിഞ്ഞ് മലയാളി ചിരിക്കുന്നതും അദ്ദേഹം തകർത്തഭിനയിച്ച ചിത്രങ്ങൾ കാണുമ്പോൾ മാത്രമാണ്. അതുകൊണ്ട് തന്നെ മലയാള സിനിമയ്ക്കും പ്രേക്ഷകനും മറക്കാൻ കഴിയില്ല ഈ അതുല്യ പ്രതിഭയെ. സിനിമാരംഗത്ത് ജഗതി നിറഞ്ഞു നിന്നപ്പോൾ കൂടെ ഉണ്ടായിരുന്നവരൊക്കെ ഇന്ന് എവിടെ പോയി എന്ന് ചിന്തിക്കുകയാണ് ജഗതിയുടെ കുടുംബം. എന്നാൽ ജഗതി ശ്രീകുമാറിന്റെ ആരോഗ്യ പുരോഗതിയെ കുറിച്ചും ചികിത്സയെ കുറിച്ചും നിരന്തരം അന്വേഷിക്കുന്ന രണ്ടുപേർ മമ്മുട്ടിയും ദിലീപും മാത്രമാണെന്ന് ജഗതിയുടെ മകൾ പാർവ്വതി കഴിഞ്ഞ ദിവസം ഒരു അഭിമുഖത്തിൽ വ്യക്തമാക്കി. മമ്മുട്ടിയും ജഗതി ശ്രീകുമാറും സെറ്റുകളിൽ പലപ്പോഴും പരസ്പരം വാഗ്വാദങ്ങളിൽ ഏർപ്പെടുന്നത് സ്ഥരം കാഴ്ചയാണെന്നും അവർ തമ്മിൽ ഒരിക്കലും ചേരില്ലെന്നും സിനിമലോകത്ത് പരക്കെ സംസാരം ഉണ്ടായിരുന്നു. അത് വെറും കെട്ടുകഥകൾ മാത്രമാണെന്നാണ് പാർവ്വതിയുടെ അഭിപ്രായം. ജഗതി സിനിമയിലേക്ക് എത്രയും പെട്ടെന്ന് തിരിച്ചുവരണമെന്ന് ആഗ്രഹിക്കുന്നവരിൽ മുൻപന്തിയിലാണ് മമ്മുട്ടി. താര സംഘടനയായ അമ്മയുടെ സഹായം ജഗതിക്ക് അവകാശപ്പെട്ടതാണെന്നും അത് നിരസ്സിക്കരുതെന്ന് ദിലീപ് വിളിച്ചു പറഞ്ഞതനുസരിച്ച് അത് കൈപ്പറ്റാൻ തങ്ങൾ തീരുമനിച്ചതായും പാർവ്വതി അഭിമുഖത്തിൽ വ്യക്തമാക്കുകയുണ്ടായി.

മോഹന്‍ലാല്‍ അവയവ ദാനം നടത്തി

സൂപ്പര്‍ സ്റ്റാര്‍ മോഹന്‍ലാല്‍ അവയവദാനം നടത്തി. കഴിഞ്ഞ ദിവസം അമൃത ഇന്‍സ്റ്റിറ്റിയൂട്ടില്‍ നടന്ന ചടങ്ങിലാണ് താരം ഇക്കാര്യം അറിയിച്ചത്. കരള്‍ മാറ്റിവെക്കല്‍ ശസ്ത്രക്രീയയ്ക്ക് വിധേയരായവരെ ആദരിച്ച ചടങ്ങിലാണ് അവയവ ദാനത്തിന്റെ ആവശ്യകതയെ കുറിച്ചും പ്രാധാന്യത്തെ കുറിച്ചും താരം വാചാലനായത്. കരള്‍ മാറ്റിവെയ്ക്കല്‍ ശസ്ത്രക്രീയയിലൂടെ ജീവിതത്തിലേക്ക് തിരിച്ച് വന്നവര്‍ യഥാര്‍ത്ഥ ഹീറോകളാണെന്നും താരം പറഞ്ഞു.

സംസ്ഥാന ആരോഗ്യവകുപ്പിന്റെ രക്തദാന അംബാസിഡര്‍ കൂടിയാണ് മോഹന്‍ലാല്‍. മോഹന്‍ലാല്‍ ഫാന്‍സ് അസോസിയേഷന്റെ കീഴില്‍ രക്തദാന ക്ലബുകളുണ്ട്. അതിലൂടെ ധാരാളം പേര്‍ക്ക് രക്തം നല്‍കുന്നുണ്ട്. മോഹന്‍ലാല്‍ അവയവ ദാനത്തെ കുറിച്ച് ബ്ലോഗില്‍ എഴുതിയത് വായിച്ച് ആരാധകനായ കൊല്ലം സ്വദേശി അനില്‍ തന്റെ വൃക്ക ദാനം ചെയ്തിരുന്നു. കമലാഹാസനാണ് തെന്നിന്ത്യയില്‍ ആദ്യമായി അവയവം ദാനം ചെയ്തത്. തന്റെ മൃതശരീരം മെഡിക്കല്‍ വിദ്യാര്‍ത്ഥികള്‍ക്ക് പഠിക്കാന്‍ നല്‍കണമെന്നും അദ്ദേഹം ആവശ്യപ്പെട്ടിട്ടുണ്ട്.

എനിക്ക് രണ്ടു മുഖമില്ല: ദിലീപ്

തന്റെ ജീവിതം ഒരു തുറന്ന പുസ്തകമാണെന്നും തനിക്ക് രണ്ടു മുഖങ്ങൾ ഇല്ലെന്നും നടൻ ദിലീപ് പറഞ്ഞു. തന്നെ ഇവിടം വരെ എത്തിച്ചത് പ്രേക്ഷകർ ആണെന്നും അവർക്ക് തന്നെ നന്നായി അറിയാമെന്നും ദിലീപ് ഒരു സ്വകാര്യ ചാനലിന് നൽകിയ അഭിമുഖത്തിൽ പറഞ്ഞു.

മ‌ഞ്ജു വാര്യരുമായുള്ള വിവാഹബന്ധം പിരിയുന്നതിന് സംയുക്ത വിവാഹമോചന ഹ‌ർജി നൽകിയ ശേഷം ഇതാദ്യമായാണ് ദിലീപ് പ്രതികരിക്കുന്നത്. വിവാഹ ബന്ധം പിരിയുന്നത് സംബന്ധിച്ച് മഞ്ജു കഴിഞ്ഞ ദിവസം ഫേസ്ബുക്കിൽ കുറിപ്പെഴുതിയിരുന്നു. ദിലീപിന് നന്മയും ഫേസ്ബുക്കിലൂടെ മഞ്ജു ആശംസിച്ചിരുന്നു.

മുന്പെടുത്ത തീരുമാനങ്ങളൊന്നും തെറ്റിപ്പോയിട്ടില്ല. എനിക്ക് ശരിയെന്ന് തോന്നാത്തത് ‍ഞാൻ ചെയ്യില്ല. ഈശ്വരനിൽ മാത്രം വിശ്വസിച്ച് പോകുന്ന ഒരാളാണ് ഞാൻ. അതിനാൽ തന്നെ ഈശ്വരന് നിരക്കാത്തത് ഞാൻ ചെയ്യില്ല. എന്നെ ഇവിടം വരെ എത്തിച്ചതും എല്ലാം ഉണ്ടാക്കി തന്നതും പ്രേക്ഷകരാണ്. അവർ എന്നും കൂടെയുണ്ടാവുമെന്ന വിശ്വാസം എനിക്ക് നൂറ്റിയന്പത് ശതമാനവും ഉണ്ട്. ഒരിക്കലും തെറ്റായ കാര്യങ്ങൾ ഞാൻ ചെയ്യില്ല - ദിലീപ് പറഞ്ഞു.

ദിലീപ് നായകനായി ജോഷി സംവിധാനം ചെയ്യുന്ന അവതാരം എന്ന സിനിമ നാളെ റിലീസാവുകയാണ്. ലക്ഷ്മി മേനോനാണ് നായിക.

വ്യാജരേഖയുണ്ടാക്കി പണം പിന്‍വലിച്ചു: നടന്‍ ദിലീപിന്റെ സഹോദരനെതിരെ കേസ്

വ്യാജരേഖയുണ്ടാക്കി ബാങ്കില്‍ നിന്ന് ലക്ഷങ്ങള്‍ പിന്‍വലിച്ചെന്നാരോപിച്ച് ചലച്ചിത്രതാരം ദിലീപിന്റെ സഹോദരന്‍ അനൂപിനെതിരെ കേസെടുത്തു. സെന്‍ട്രല്‍ എക്‌സൈസസ് ആന്റ് കസ്റ്റംസ് നല്‍കിയ പരാതിയുടെ അടിസ്ഥാനത്തിലാണ് കേസ്. വ്യാജരേഖ ചമയ്ക്കല്‍, വഞ്ചന തുടങ്ങിയ കുറ്റങ്ങള്‍ ചുമത്തിയാണ് കേസെടുത്തത്. ദീലീപിന്റെ വീട്ടില്‍ നടത്തിയ റെയ്ഡില്‍ കസ്റ്റംസ് ഉദ്യോഗസ്ഥര്‍ സ്ഥിരനിക്ഷേപത്തിന്റെ രേഖകള്‍ പിടിച്ചെടുത്തിരുന്നു. ഇക്കാര്യം മറച്ചുവെച്ച് പണം പിന്‍വലിച്ചെന്നാണ് ആരോപണം. ഇതിനിടെ ദിലീവും സഹോദരന്‍ അനൂപും രണ്ടേകാല്‍ക്കോടി രൂപ സേവനനികുതി നല്‍കണമെന്നാവശ്യപ്പെട്ട് നോട്ടീസും നല്‍കിയിട്ടുണ്ട്. ആറുമാസം മുമ്പായിരുന്നു ദീലീപിന്റെയും സഹോദരന്‍ അനൂപിന്റെയും വീടുകളിലും ഓഫീസുകളിലും സെന്‍ട്രല്‍ എക്‌സൈസ് ആന്റ് കസ്റ്റംസ് റെയ്ഡ് നടത്തിയത്. സേവന നികുതി നല്‍കുന്നതുമായി ബന്ധപ്പെട്ട് ക്രമക്കേട് നടന്നതായി അന്നേ കണ്ടെത്തിയിരുന്നു. ദിലീപിന്റെ വീട്ടില്‍ നിന്ന് നടത്തിയ റെയ്ഡിലാണ് ഇരുപത് ലക്ഷം രൂപയുടെ സ്ഥിര നിക്ഷേപത്തിന്റെ രസീത് കിട്ടിയത്. സഹോദരന്‍ അനൂപിന്റെ പേരില്‍ ആലവു പാറക്കടവ് സര്‍വീസ് സഹകരണ ബാങ്കിലായിരുന്നു നിക്ഷേപം. മഹസറില്‍ ഈ രസീതും പിടിച്ചെടുത്തതായി ചേര്‍ത്തിരുന്നു. എന്നാല്‍ തൊട്ടുപിന്നാലെ ദീലീപിന്റെ സഹോദരന്‍ ബാങ്കില്‍ നിന്ന് പണം പിന്‍വലിക്കുകയായിരുന്നു. സ്ഥിര നിക്ഷേപത്തിന്റെ രേഖകള്‍ കളഞ്ഞുപോയെന്നായിരുന്നു ബാങ്കില്‍ ധരിപ്പിച്ചത്. ഇവ കസ്റ്റംസ് പിടിച്ചെടുത്ത കാര്യം മറച്ചുവെച്ചു. ഉദ്യോഗസ്ഥര്‍ അന്വേഷണത്തിനായി ബാങ്കിനെ സമീപിച്ചപ്പോഴാണ് പണം പിന്‍വലിച്ചകാര്യം അറിയുന്നത്. ഇതേത്തുടര്‍ന്നാണ് അനൂപിനെതിരെ കേസെടുക്കണമെന്നാവശ്യപ്പെട്ട് സെന്‍ട്രല്‍ എക്‌സൈസ് അസി. കമ്മീഷണര്‍ ആലുവ റൂറല്‍ എസ്‌പിയ്ക്ക് പരാതി നല്‍കിയത്. ഇതിനിടെ ദിലീപും സഹോദരന്‍ അനുപും ഏകദേശം രണ്ടേകാല്‍ക്കോടി രൂപ സേവനികുതി നല്‍കണമെന്നാവശ്യപ്പെട്ട് നോട്ടീസ് നല്‍കിയിട്ടുണ്ട്. സെന്‍ട്രല്‍ എക്‌സൈസ് ആന്റ് കസ്റ്റംസ് കമ്മീഷണര്‍ രേഷ്മ ലഘാനിയുടേതാണ് ഉത്തരവ്.
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20