Untitled Document Back to Top

ഇയ്യോബിന്റെ പുസ്തകം ആദ്യ ഗാനം പുറത്തിറങ്ങി ...

മോഹന്‍ലാല്‍ പരാതി നല്‍കി

തന്റെ വെബ്‌സൈറ്റ്‌ ഹാക്ക്‌ ചെയ്ത സംഭവത്തില്‍ മോഹന്‍ലാല്‍ സംസ്ഥാന പോലീസ്‌ മേധാവിക്കും, സൈബര്‍ സെല്ലിനും പരാതി നല്‍കി. ഇ-മെയില്‍ വഴിയാണ് ലാല്‍ പരാതി നല്‍കിയത്‌. പരാതി സ്വീകരിച്ച ഡി.ജി.പി സംഭവത്തെക്കുറിച്ച് ഗൗരവമായി അന്വേഷിക്കാന്‍ ബന്ധപ്പെട്ടവര്‍ക്ക്‌ നിര്‍ദ്ദേശം നല്‍കി. സൈബര്‍ സെല്‍ എസ്പിയ്ക്കാണ് അന്വേഷണ ചുമതല. മോഹന്‍ലാലിന്റെ ഔദ്യോഗിക വെബ്‌സൈറ്റായ ദി കംപ്ലീറ്റ്‌ ആക്ടര്‍ ഡോട്ട് കോമിന്റെ ബ്ലോഗ്‌ വിഭാഗവും, ടെറിട്ടോറിയല്‍ ആര്‍മി എന്ന വിഭാഗവും പാകിസ്ഥാന്‍ ഹാക്കര്‍മാര്‍ കഴിഞ്ഞദിവസം ഹാക്ക്‌ ചെയ്തിരുന്നു. ബ്ലോഗ് ഹാക്ക് ചെയ്ത ശേഷം പാക്കിസ്ഥാന്റെ പതാകയും കശ്മീരിനെ മോചിപ്പിക്കൂ എന്ന മുദ്രാവാക്യവും പോസ്റ്റ് ചെയ്തിരുന്നു. സൈബര്‍ വാരിയേഴ്സ് എന്ന ഹാക്കിംഗ് ഗ്രൂപ്പ്‌ ആണ് ഹാക്ക്‌ ചെയ്തത്.

ഇപ്പോള്‍ പ്രണയത്തെ കുറിച്ച് ചിന്തിക്കാനുള്ള മൂഡില്ല - ലെന

തന്റെ വിവാഹ ജീവിതം തകര്‍ന്നത് ഒരു ദുരന്തമല്ലെന്ന് പ്രശസ്ത സിനിമാ താരം ലെന. ചിന്താഗതി, താത്പര്യങ്ങള്‍, ഇഷ്ടങ്ങള്‍ എല്ലാം വ്യത്യസ്തമാണെന്ന് ബോധ്യപ്പെട്ടപ്പോഴാണ് പിരിയാന്‍ തീരുമാനിച്ചത്. ആ ഒരു പിരിയല്‍ ദുരന്തമായിരുന്നില്ല. ജീവിതത്തില്‍ ഇനിയും പ്രണയം സംഭവിച്ചേക്കാം. പക്ഷേ ഇപ്പോള്‍ പ്രണയത്തെ കുറിച്ച് ചിന്തിക്കാനുള്ള മൂഡില്ലെന്നും ലെന പറഞ്ഞു. പ്രശസ്ത തിരക്കഥാകൃത്തായ അഭിലാഷുമായുള്ള ബന്ധം ഉലഞ്ഞതിനെപ്പറ്റി സംസാരിക്കുകയായിരുന്നു ലെന.

കുട്ടികള്‍ വേണ്ടെന്ന് വിവാഹിതരാകുന്ന വേളയില്‍ തന്നെ തീരുമാനിച്ചതാണ്. സ്‌കൂള്‍തലം തൊട്ടു തുടങ്ങിയ പ്രണയമാണ് വിവാഹത്തില്‍ കലാശിച്ചത്. അന്ന് അഭിലാഷിന് 13 വയസും തനിക്ക് 12 വയസുമായിരുന്നു. അന്നത്തെ പ്രായത്തില്‍ നിന്നും തങ്ങള്‍ രണ്ടു പേരും വളര്‍ന്നു. ഒരു ഘട്ടം കഴിഞ്ഞപ്പോള്‍ പിരിയണമെന്ന് തോന്നി.

കുട്ടിക്കാലത്ത് ഞങ്ങള്‍ തമ്മില്‍ ഒരുപാട് സാമ്യം ഉണ്ടായിരുന്നു. ഒരാള്‍ മറ്റൊരാള്‍ക്ക് ഫെര്‍ഫെക്ട് തന്നെയാകുമെന്ന് തോന്നിയിരുന്നു. അങ്ങനെയാണ് ഒന്നിച്ച് ജീവിക്കാന്‍ തീരുമാനിച്ചിരുന്നത്. പക്ഷേ പ്രായത്തിന്റെ പക്വത വന്നപ്പോഴാണ് മനസിലായത് രണ്ടു പേരുടേയും വഴികള്‍ വ്യത്യസ്തമാണെന്ന്.

നയന്‍സിന് ക്ഷേത്രം പണിയുന്നു

നയന്‍സ്‌ കരയുന്നു, എന്നെ ദൈവമാക്കരുതേ! നയന്‍സിനെ ദൈവമാക്കാനാണ്‌ ആരാധകരുടെ പദ്ധതി. കുശ്‌ബുവിനും നഗ്മയ്‌ക്കും നമിതയ്‌ക്കും ശേഷം നയന്‍താരയുടെ പേരില്‍ തമിഴകത്ത്‌ ക്ഷേത്രനിര്‍മ്മാണം ആരംഭിക്കാനിരിക്കെയാണ്‌ നയന്‍സിന്റെ അഭ്യര്‍ത്ഥന. പ്രീയ താരത്തിന്റെ അപേക്ഷ ആരാധകര്‍ അംഗീകരിക്കുമോ ഇല്ലയോ എന്നറിയില്ലെങ്കിലും ഏതായാലും ക്ഷേത്ര നിര്‍മ്മാണം തുടങ്ങാന്‍ തന്നെയാണ്‌ ആരാധകരുടെ തീരുമാനം.

തമിഴകത്ത്‌ സിനിമാതാരമായാല്‍ ഇതാണ്‌ കുഴപ്പം. താരത്തെ ഇഷ്‌ടമായാല്‍ ഉടന്‍ ദൈവമാക്കും. കുശ്‌ബുവില്‍ നിന്നാണ്‌ ദൈവ നിര്‍മ്മാണം തുടങ്ങിയത്‌. കാര്യങ്ങളുടെ പോക്ക്‌ ഇങ്ങനെയാണെങ്കില്‍ അധികം വൈകാതെ ജയലളിതയും ദൈവമാകും.

നയന്‍താരക്ക്‌ ഫാന്‍സ്‌ ക്ലബ്ബുകളില്ല. ഇത്തരം കാര്യങ്ങളൊന്നും നയന്‍സ്‌ പ്രോത്സാഹിപ്പിക്കാറില്ല. കാരണം ഫാന്‍സ്‌ ഉണ്ടെങ്കില്‍ താരത്തിന്റെ കൈയില്‍ നിന്നും ലക്ഷങ്ങള്‍ തുലയും. ആരാധകരെ പ്രോത്സാഹിപ്പിക്കാത്ത താരമായതു കാരണമാവാം ആരാധകരെല്ലാം അതിശക്തമായ പിന്‍ബലമുള്ളവരാണ്‌. അവര്‍ക്ക്‌ നയന്‍സിന്റെ പണം വേണ്ട. സ്‌നേഹം മതി.

ക്ഷേത്രനിര്‍മ്മാണത്തിന്‌ നയന്‍സ്‌ സഹായിക്കേണ്ടതില്ലെന്നാണ്‌ ആരാധകര്‍ പറയുന്നത്‌. ?ഞങ്ങള്‍ക്ക്‌ പണം വേണ്ട. നയന്‍സിന്റെ അനുമതി മതി ഒരാരാധകന്‍ മലയാളി വാര്‍ത്തയോട്‌ പറഞ്ഞു?.

താന്‍ ദൈവവിശ്വാസിയായതിനാലാണ്‌ ദൈവമാക്കരുകതെന്ന്‌ അപേക്ഷിക്കുന്നതെന്നും നയന്‍സ്‌ പറയുന്നു. ദൈവമാകാന്‍ എല്ലാവര്‍ക്കും കഴിയില്ല. താരങ്ങള്‍ ദൈവങ്ങളാണെന്ന സങ്കല്‌പം തീര്‍ത്തും തെറ്റാണ്‌. തമിഴ്‌ ചിത്രങ്ങളുടെ തിരക്കിലാണ്‌ നയന്‍സ്‌. ഓരോ ചിത്രവും സൂപ്പര്‍ഹിറ്റാകുന്നത്‌ ദൈവസഹായത്താലാണെന്നാണ്‌ നയന്‍സ്‌ പറയുന്നത്‌. അപ്പോള്‍ താന്‍ സ്വയം ദൈവമായാല്‍ എന്തു ചെയ്യുമെന്നാണ്‌ നയന്‍സ്‌ ചോദിക്കുന്നത്‌.

അതേസമയം ആരാധകരുടെ സ്‌നേഹത്തിന്‌ മുന്നില്‍ താന്‍ നമസ്‌ക്കരിക്കുകയാണെന്നും നയന്‍സ്‌ പറയുന്നു. ഒരിക്കലും താന്‍ ആരാധകരെ പ്രോത്സാഹിപ്പിക്കുന്നില്ല. അവര്‍ക്ക്‌ സാമ്പത്തികസഹായം നല്‍കുന്നില്ല. എന്നിട്ടും അവര്‍ തന്നെ ഇത്രയേറെ സ്‌നേഹിക്കുകയാണെങ്കില്‍ അതിനര്‍ത്ഥം സ്‌നേഹത്തിന്‌ കളങ്കമില്ല എന്നതാണെന്ന്‌ നയന്‍സ്‌ പറയുന്നു. കളങ്കമില്ലാത്ത സ്‌നേഹത്തിനു മുമ്പില്‍ മുട്ടുകുത്തുന്നു പ്രീയപ്പെട്ട നയന്‍സ്‌.

ബോധിയിലെ ആദ്യ ഗാനം പുറത്തിറങ്ങി

ലാലിനും ഋത്വികിനും ബിപാഷയുടെ വെല്ലുവിളി

മോഹന്‍ലാലിനെയും ഋത്വിക് റോഷനെയും താന്‍ പഠിച്ച കോല്‍ക്കത്ത ഭാരതീയ വിദ്യാഭവനിലെ മുഴുവന്‍ കുട്ടികളെയും മൈ ട്രീ ചലഞ്ചിനു വെല്ലുവിളിച്ച് ബോളിവുഡ് നടി ബിപാഷ ബസു. മലയാളത്തിന്റെ മഹാനടന്‍ മമ്മൂട്ടി തുടങ്ങിവെച്ച മൈ ട്രീ ചലഞ്ചില്‍ പങ്കാളിയായ ശേഷമായിരുന്നു ബിപാഷയുടെ വെല്ലുവിളി. മാതൃഭൂമി സീഡ് സംഘടിപ്പിച്ച പരിപാടിയില്‍ കുട്ടികള്‍ക്കൊപ്പമാണ് ബിപാഷ മാവിന്‍ തൈ നട്ടത്. മുഹമ്മയില്‍ തന്റെ സിനിമയുടെ ഷൂട്ടിംഗിന് എത്തിയപ്പോഴാണ് മമ്മൂട്ടിയുടെ മൈ ട്രീ ചാലഞ്ചിനെ കുറിച്ച് ബിപാഷ അറിഞ്ഞത്. പ്രകൃതി സംരക്ഷണത്തിനുള്ള ഈ പദ്ധതിയില്‍ പങ്കാളിയാകാനുള്ള ബിപാഷയുടെ ആഗ്രഹപ്രകാരമാണ് ഷൂട്ടിംഗ് ലൊക്കേഷനില്‍ മാധ്യമ സ്ഥാപനത്തിന്റെ നേതൃത്വത്തില്‍ പ്രവര്‍ത്തകര്‍ പരിപാടി ഒരുക്കിയത്.
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20