Untitled Document Back to Top

ഷക്കീലയുടെ ജീവിതം സിനിമയാകുന്നു

ഇക്കിളിപടങ്ങളിലൂടെ മലയാളസിനിമയില്‍ നിറഞ്ഞുനിന്നിരുന്ന ഷക്കീലയുടെ ജീവിതം സിനിമയാകുന്നു.ഷക്കീലയുടെ ആത്മകഥയെ ആധാരമാക്കിയാണ് ചിത്രം ഒരുക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.സിൽക്ക് സ്മിതയുടെ ജീവിതമായിരുന്നു ഇതിനു മുമ്പ് സിനിമയാക്കിയിരുന്നത്. അങ്ങാടിത്തെരു എന്ന ചിത്രത്തിലെ നായികയായിരുന്ന അഞ്ജലിയായിരിക്കും ഈ ചിത്രത്തിൽ നായികയാകുന്നതെന്നാണ് സൂചന.അടുത്ത കാലത്ത് അഞ്ജലി അമ്മയുമായി പിണങ്ങി ഒളിവിൽ പോയി വൻ വിവാദങ്ങൾ സൃഷ്ടിച്ചിരുന്നു.ചിത്രത്തെ കുറിച്ച് കൂടുതൽ വിവരങ്ങൾ പുറത്ത് വന്നിട്ടില്ല.മലയാള സിനിമയിൽ നിന്നും പിൻവാങ്ങിയ ഷക്കീല അതിനുശേഷം തമിഴ് തെലുങ്ക് ചിത്രങ്ങളില്‍ ഹാസ്യവേഷങ്ങളില്‍ തിളങ്ങിയിരുന്നെങ്കിലും ഷക്കീലയെ ഇപ്പോൾ സിനിമയിൽ സജീവമായി കാണാറില്ല. അടുത്ത കാലത്തായി ഷക്കീല ഒരു സിനിമ സംവിധാനം ചെയ്യാൻ പോകുന്നതായി വാർത്തകൾ വന്നിട്ടുണ്ടായിരുന്നു.

ഗ്ലാമര്‍ വേഷങ്ങള്‍ ചെയ്യാന്‍ ഇഷ്ടമാണെന്ന് കൃഷ്ണ പ്രഭ

മലയാള സിനിമയിലെ പ്രിയ നടികളെല്ലാം ഇപ്പോള്‍ പുതിയൊരു മേക്ക് ഓവറിന്റെ പാതയിലാണ്. രമ്യ നമ്പീശനും ഭാവനയും ഒക്കെ മേക്ക് ഓവര്‍ കൊണ്ട് തങ്ങളുടെ കരിയിറില്‍ തന്നെ വലിയ മാറ്റങ്ങള്‍ സൃഷ്ടിച്ചു. ഇവര്‍ക്ക് പിറകേ ഇതാ കൃഷ്ണ പ്രഭയും മേക്ക് ഓവറിലൂടെ ഗ്ലാമറസ് ആകുന്നു. ഇതുവരെ ചെയ്ത കഥാപാത്രങ്ങളൊക്കെ തനി നാടന്‍ പെണ്‍കുട്ടികളുടേതാണെങ്കില്‍, കൃഷ്ണ പ്രഭ ഇനി മാറുന്നത് പോസ്റ്റ് മോഡേണ്‍ ഗ്ലാമര്‍ ഗേളിലേക്കായിരിക്കും. കൃഷ്ണ പ്രഭയുടെ അവസാനത്തെ ഫോട്ടോ ഷൂട്ട് ഇതാണ് തെളിയിക്കുന്നത്. മോഹന്‍ലാലിനൊപ്പം മാടമ്പിയിലൂടെയാണ് കൃഷ്ണപ്രഭ മലയാളത്തിലെത്തിയത്.

സിനിമകളില്‍ ഗ്ലാമര്‍ വേഷങ്ങള്‍ ചെയ്യാനും തനിക്ക് ഇഷ്ടമാണെന്നാണ് കൃഷ്ണ പ്രഭ പറയുന്നത്. പക്ഷേ കിട്ടിയ കഥാപാത്രങ്ങളെല്ലാം നാടന്‍ പെണ്‍കുട്ടികളുടേതായിരുന്നു. എന്നാല്‍ ശക്തമായ കഥാപാത്രങ്ങളാണെങ്കില്‍ മാത്രമേ ഗ്ലാമര്‍ വേഷങ്ങള്‍ ചെയ്യാനുള്ളൂ എന്നും കൃഷ്ണ പ്രഭ പറയുന്നുണ്ട്. നല്ല അഭിനയ മുഹൂര്‍ത്തങ്ങളും വേണമത്രെ. തന്റെ ഗ്ലാമര്‍ വെളിവാക്കിക്കൊണ്ടുള്ള കൃഷ്ണപ്രഭയുടെ ഫോട്ടോ ഷൂട്ട് പുറത്തിറങ്ങിക്കഴിഞ്ഞു. ഇത് തന്റെ ജീവിതത്തില്‍ വലിയ മാറ്റങ്ങള്‍ ഉണ്ടാക്കുമെന്നാണ് കൃഷ്ണ പ്രഭ പ്രതീക്ഷിക്കുന്നത്.

 
1
 
2
 
3
 
4
 
5
 
6
 
7