Untitled Document Back to Top

മലയാള സിനിമയിലെ പ്രിയ നടികളെല്ലാം ഇപ്പോള്‍ പുതിയൊരു മേക്ക് ഓവറിന്റെ പാതയിലാണ്. രമ്യ നമ്പീശനും ഭാവനയും ഒക്കെ മേക്ക് ഓവര്‍ കൊണ്ട് തങ്ങളുടെ കരിയിറില്‍ തന്നെ വലിയ മാറ്റങ്ങള്‍ സൃഷ്ടിച്ചു. ഇവര്‍ക്ക് പിറകേ ഇതാ കൃഷ്ണ പ്രഭയും മേക്ക് ഓവറിലൂടെ ഗ്ലാമറസ് ആകുന്നു. ഇതുവരെ ചെയ്ത കഥാപാത്രങ്ങളൊക്കെ തനി നാടന്‍ പെണ്‍കുട്ടികളുടേതാണെങ്കില്‍, കൃഷ്ണ പ്രഭ ഇനി മാറുന്നത് പോസ്റ്റ് മോഡേണ്‍ ഗ്ലാമര്‍ ഗേളിലേക്കായിരിക്കും. കൃഷ്ണ പ്രഭയുടെ അവസാനത്തെ ഫോട്ടോ ഷൂട്ട് ഇതാണ് തെളിയിക്കുന്നത്. മോഹന്‍ലാലിനൊപ്പം മാടമ്പിയിലൂടെയാണ് കൃഷ്ണപ്രഭ മലയാളത്തിലെത്തിയത്.

സിനിമകളില്‍ ഗ്ലാമര്‍ വേഷങ്ങള്‍ ചെയ്യാനും തനിക്ക് ഇഷ്ടമാണെന്നാണ് കൃഷ്ണ പ്രഭ പറയുന്നത്. പക്ഷേ കിട്ടിയ കഥാപാത്രങ്ങളെല്ലാം നാടന്‍ പെണ്‍കുട്ടികളുടേതായിരുന്നു. എന്നാല്‍ ശക്തമായ കഥാപാത്രങ്ങളാണെങ്കില്‍ മാത്രമേ ഗ്ലാമര്‍ വേഷങ്ങള്‍ ചെയ്യാനുള്ളൂ എന്നും കൃഷ്ണ പ്രഭ പറയുന്നുണ്ട്. നല്ല അഭിനയ മുഹൂര്‍ത്തങ്ങളും വേണമത്രെ. തന്റെ ഗ്ലാമര്‍ വെളിവാക്കിക്കൊണ്ടുള്ള കൃഷ്ണപ്രഭയുടെ ഫോട്ടോ ഷൂട്ട് പുറത്തിറങ്ങിക്കഴിഞ്ഞു. ഇത് തന്റെ ജീവിതത്തില്‍ വലിയ മാറ്റങ്ങള്‍ ഉണ്ടാക്കുമെന്നാണ് കൃഷ്ണ പ്രഭ പ്രതീക്ഷിക്കുന്നത്.

ഇക്കിളിപടങ്ങളിലൂടെ മലയാളസിനിമയില്‍ നിറഞ്ഞുനിന്നിരുന്ന ഷക്കീലയുടെ ജീവിതം സിനിമയാകുന്നു.ഷക്കീലയുടെ ആത്മകഥയെ ആധാരമാക്കിയാണ് ചിത്രം ഒരുക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.സിൽക്ക് സ്മിതയുടെ ജീവിതമായിരുന്നു ഇതിനു മുമ്പ് സിനിമയാക്കിയിരുന്നത്. അങ്ങാടിത്തെരു എന്ന ചിത്രത്തിലെ നായികയായിരുന്ന അഞ്ജലിയായിരിക്കും ഈ ചിത്രത്തിൽ നായികയാകുന്നതെന്നാണ് സൂചന.അടുത്ത കാലത്ത് അഞ്ജലി അമ്മയുമായി പിണങ്ങി ഒളിവിൽ പോയി വൻ വിവാദങ്ങൾ സൃഷ്ടിച്ചിരുന്നു.ചിത്രത്തെ കുറിച്ച് കൂടുതൽ വിവരങ്ങൾ പുറത്ത് വന്നിട്ടില്ല.മലയാള സിനിമയിൽ നിന്നും പിൻവാങ്ങിയ ഷക്കീല അതിനുശേഷം തമിഴ് തെലുങ്ക് ചിത്രങ്ങളില്‍ ഹാസ്യവേഷങ്ങളില്‍ തിളങ്ങിയിരുന്നെങ്കിലും ഷക്കീലയെ ഇപ്പോൾ സിനിമയിൽ സജീവമായി കാണാറില്ല. അടുത്ത കാലത്തായി ഷക്കീല ഒരു സിനിമ സംവിധാനം ചെയ്യാൻ പോകുന്നതായി വാർത്തകൾ വന്നിട്ടുണ്ടായിരുന്നു.

കോളിവുഡും ടോളിവുഡും കടന്ന് ബോളിവുഡ് വരെയെത്തിയെങ്കിലും ഗോസിപ്പു കോളങ്ങളിൽ അധികം ഇടംപിടിക്കാത്ത നടിയാണ് അസിൻ. പ്രണയം, ഡേറ്റിംഗ്, പാർട്ടികൾ തുടങ്ങിയവയിൽ നിന്നെല്ലാം അസിൻ അകലം പാലിച്ചിരുന്നു. ഒടുവിൽ ഒരു പ്രണയവാർത്തയിൽ ഇടം പിടിച്ചിരിക്കുകയാണ് സുന്ദരി. മൈക്രോമാക്സ് കമ്പനിയുടെ എക്സിക്യൂട്ടിവ് ഡയറക്ടർ രാഹുൽ ശർമ്മയുമായി കഠിന പ്രണയത്തിലാണത്രേ അസിൻ.

അച്ഛൻ ബിസിനസുകാരനായതിനാൽ ബിസിനസിനോട് ചെറുപ്പം മുതലേ താത്പര്യമുള്ളയാണ് അസിൻ. കൂടാതെ ഇന്ത്യയിൽ നിന്നായിരിക്കും താൻ പങ്കാളിയെ തിരഞ്ഞെടുക്കുക എന്നും നേരത്തേ അസിൻ സൂചിപ്പിച്ചിട്ടുണ്ട്. വിവാഹിതയാകാനുള്ള ഒരുക്കത്തിലാണ് താരം എന്ന് കുറച്ചുനാളുകളായി വാർത്തകളുമുണ്ട്. എല്ലാം കൂട്ടിവായിക്കുമ്പോൾ അസിന്റെ പ്രണയവാർത്തയ്ക്ക് കൂടുതൽ വിശ്വാസ്യത ലഭിക്കുന്നു. ഒരു പ്രമുഖ ദിനപത്രം ആണ് ഇതുമായി ബന്ധപ്പെട്ട വാര്‍ത്ത‍ പുറത്തുവിട്ടത്.

ഹിന്ദിയിൽ അഭിനയിച്ച ചിത്രങ്ങളെല്ലാം പരാജയപ്പെടുന്നതാണ് അസിന്റെ ഈ തീരുമാനത്തിനു പിന്നിൽ എന്നാണ് അസൂയാലുക്കൾ പറയുന്നത്. ആമീർ ഖാൻ ചിത്രം ഗജിനിയിലൂടെ സ്വപ്നതുല്യമായ തുടക്കമാണ് ലഭിച്ചതെങ്കിലും ഹിന്ദിയിൽ അത്ര കണ്ട് ശോഭിക്കാൻ അവർക്ക് കഴിഞ്ഞില്ല. ഒരു വർഷത്തിലധികമായി അസിൻ അഭിനയിച്ച ചിത്രങ്ങളൊന്നും റിലീസ് ചെയ്തിട്ടില്ല. അഭിഷേക് ബച്ചൻ നായകനാവുന്ന ഓൾ ഈസ് വെൽ ആണ് ഈ വർഷം റിലീസാകാനുള്ളത് . ഉമേഷ് ശുക്ലയാണ് സംവിധാനം. റിലീസ് ഡിസംബറിലാണ്.

നടന്‍ ദിലീപും മഞ്ജു വാര്യറും പരസ്പരധാരണയോടെ ഹർജി നൽകിയിരുന്നതായി റിപ്പോർട്ട്.സ്വത്ത്‌ വിഭജിക്കുന്ന കാര്യത്തിലും മകളുടെ കാര്യത്തിലും ആയിരുന്നു തീരുമാനമുണ്ടാകാനിരുന്നത്. തൃശ്ശൂര്‍ ഫാമിലി കോര്‍ട്ടി ലാണ് ഇവർ ഹർജി നല്കിയത്. ഇവർ തമ്മിൽ നടന്ന അനുരഞ്ജന ചര്‍ച്ചയില്‍ മീനാക്ഷിയെ താൻ നോക്കികോളാമെന്ന് ദിലീപ് പറഞ്ഞപ്പോൾ മഞ്ജു ഇക്കാര്യത്തില്‍ ഒരക്ഷരം മിണ്ടിയില്ല. മകള്‍ മീനാക്ഷിയെ സംരക്ഷിയ്ക്കാനുള്ള ചുമത കോടതി ദിലീപിനെയാണ് ഏല്‍പ്പിച്ചിരുന്നത്. എന്നാൽ സ്വത്തിൻറെ കാര്യത്തിൽ മഞ്ജു സംസാരിച്ചെന്നും സ്വത്തുക്കളിൽ പലതും തനിക്ക് വേണമെന്ന് പറയുകയുമുണ്ടായെന്നാണ് റിപ്പോർട്ട്.കോടതി അനുവദിച്ച സമയങ്ങളില്‍ മഞ്ജു മകളെ കാണാനെത്താറുണ്ടെങ്കിലും ദിലീപിന്റെ കൂടെ കഴിയാനാണ് മീനാക്ഷി കൂടുതൽ താത്പര്യം കാണിച്ചിരുന്നത്. ഒരു ഓണ്‍ലൈന്‍ മാധ്യമം ആണ് ഇതുമയി ബന്ധപ്പെട്ട വാര്‍ത്ത‍ നല്‍കിയിരിക്കുന്നത്.